Persónuverndarstefna

Ábyrgðaraðili

Sér Tækni ehf. ber ábyrgð á vinnslu persónuupplýsinga á vefnum. Spurningum og beiðnum um persónuvernd má beina til info@ser.is.

Nafn

Sér Tækni ehf.

Kennitala

470126-2210

VSK-númer

160058

Heimilisfang

Síðumúli 1, 108 Reykjavík

Skráning

Fyrirtækjaskrá Skattsins

Netfang

info@ser.is

Sími

+354 790 0505

Sér Tækni ehf. hefur ekki tilnefnt persónuverndarfulltrúa enda er þess ekki krafist miðað við umfang og eðli vinnslunnar.

Hvaða upplýsingar við vinnum

Pantanir

Nafn, netfang, símanúmer, kennitala ef hún er gefin upp, heimilisfang eða afhendingarstaður, athugasemd með pöntun, vörur, upphæðir og staða greiðslu. Kortaupplýsingar fara beint til Straums og við fáum þær aldrei.

Aðgangur fyrirtækja

Kennitala og nafn fyrirtækis, nafn tengiliðar, netfang, símanúmer, starfssvið og skilaboð í umsókn, ásamt pöntunum og tilboðum fyrirtækisins. Nöfn og netföng starfsfólks sem fær aðgang (úttektaraðila), hver pantaði hvað og fyrirspurnir sendar af fyrirtækjasvæðinu. Ef innskráning með rafrænum skilríkjum er notuð geymum við kennitölu viðkomandi starfsmanns, eingöngu til að tengja innskráninguna við réttan aðgang.

Viðskiptatengsl (CRM)

Nöfn, netföng, símanúmer og hlutverk tengiliða hjá fyrirtækjum sem við eigum í viðskiptum eða samskiptum við, ásamt samskiptasögu, tilboðum og upplýsingum um hvort póstur hafi borist. Upplýsingarnar koma úr samskiptum okkar við tengiliðina, til dæmis í tölvupósti, og úr opinberum skrám.

Innskráning

Netfang, innskráningarhlekkir, lotur og lykilorð ef það hefur verið sett. Hlekkir, lotur og lykilorð eru aðeins geymd sem tætigildi. Til að verjast misnotkun skráum við IP-tölu og tegund vafra við innskráningu, við rangar innskráningartilraunir og þegar beðið er um hlekk.

Tilboð

Þegar tilboð er samþykkt á vefnum skráum við nafn þess sem samþykkir það og IP-tölu.

Fyrirspurnir

Nafn, netfang, símanúmer og skilaboð sem þú sendir okkur.

Póstlisti

Netfang, nafn ef það er gefið upp, tungumál, vefurinn þar sem þú skráðir þig, hvenær og frá hvaða IP-tölu samþykki var gefið, hvenær það var staðfest og hvenær þú afskráðir þig.

Vefmælingar

Slóð síðunnar sem er skoðuð, vefurinn sem vísaði á hana, land, tegund tækis, stýrikerfi og vafri. Engar kökur eru notaðar og IP-tala er ekki geymd.

Kökur

Sjá kaflann um kökur hér að neðan.

Tilgangur og lagagrundvöllur

Pantanir og afhending

Að afgreiða og afhenda pantanir, taka við greiðslum og sinna kvörtunum. Vinnslan byggist á framkvæmd samnings.

Bókhald

Að færa bókhald og standa skil á sköttum. Vinnslan byggist á lagaskyldu samkvæmt lögum nr. 145/1994 um bókhald.

Aðgangur fyrirtækja og tilboð

Að stofna aðgang, veita reikningsviðskipti og gera tilboð. Vinnslan byggist á framkvæmd samnings eða ráðstöfunum að beiðni fyrirtækisins áður en samningur er gerður.

Viðskiptatengsl

Að halda utan um samskipti við fyrirtæki sem við eigum í viðskiptum við eða viljum eiga viðskipti við. Vinnslan byggist á lögmætum hagsmunum okkar af slíkum samskiptum.

Innskráning og öryggi

Að skrá notendur inn og verja vefinn gegn misnotkun. Vinnslan byggist á lögmætum hagsmunum af öruggum rekstri vefsins.

Fyrirspurnir

Að svara því sem þú sendir okkur. Vinnslan byggist á lögmætum hagsmunum eða ráðstöfunum að beiðni þinni.

Vefmælingar

Að sjá hve margir heimsækja hvern vef og hvaða síður eru skoðaðar svo við getum bætt vefina. Vinnslan byggist á lögmætum hagsmunum okkar af rekstri vefjanna.

Póstlisti

Að senda þér fréttir, tilboð og upplýsingar um vörur Sér Tækni í tölvupósti. Vinnslan byggist á samþykki þínu sem þú staðfestir með hlekk í tölvupósti. Þú getur afturkallað það hvenær sem er með hlekk neðst í hverjum pósti eða með því að hafa samband.

Við seljum aldrei persónuupplýsingar og notum þær ekki til að birta auglýsingar.

Kökur og vafrageymsla

Vefurinn notar aðeins kökur sem eru nauðsynlegar til að hann virki. Við notum engar auglýsingakökur og biðjum því ekki um samþykki fyrir kökum.

Lotukaka (__Secure-st_session, eða __Host-nm_session utan ser.is)

Heldur þér innskráðum á fyrirtækjasvæðinu á öllum vefjum Sér Tækni undir ser.is. Gildir í 14 daga frá síðustu notkun.

Innskráning með rafrænum skilríkjum (__Host-nm_eid)

Geymir einnota öryggiskóða á meðan innskráning með rafrænum skilríkjum stendur yfir. Gildir í 10 mínútur og er eytt þegar innskráningu lýkur.

Körfukaka (__Secure-st_cart, eða __Host-nm_cart utan ser.is)

Geymir innkaupakörfuna á öllum vefjum Sér Tækni undir ser.is. Gildir í 30 daga.

Útlit (st_theme)

Val á ljósu eða dökku útliti er geymt í köku svo það gildi á öllum vefjum Sér Tækni undir ser.is, og líka í vafranum sjálfum (localStorage). Kakan gildir í eitt ár. Hún fylgir beiðnum til vefjarins en við lesum hana ekki og geymum ekkert um hana.

Við teljum heimsóknir á hvern vef og hverja síðu með Vercel Web Analytics. Mælingin notar engar kökur og geymir ekkert í vafranum. IP-tala er ekki geymd og heimsóknir eru ekki raktar á milli daga. Við sjáum aðeins samtölur, til dæmis fjölda heimsókna, land og tegund tækis.

Á sumum vörusíðum Nanoman eru myndbönd frá Nanoman sem eru hýst hjá Vimeo. Myndband hleðst ekki fyrr en þú smellir á það. Þá sækir vafrinn það frá Vimeo, sem fær IP-tölu þína og upplýsingar um vafrann. Við biðjum Vimeo að skrá ekki áhorfið (dnt) en vinnsla Vimeo fer eftir persónuverndarstefnu þess.

Vinnsluaðilar

Eftirfarandi þjónustuaðilar vinna upplýsingar fyrir okkur. Þeir fá aðeins það sem þarf til að veita þjónustuna.

Vercel

Hýsing vefsins og vefmælingar. Vefurinn er keyrður í London í Bretlandi en Vercel Inc. er bandarískt fyrirtæki.

Neon

Gagnagrunnur vefsins. London, Bretlandi.

Resend

Sending tölvupósts. Bandaríkin.

Straumur

Greiðslumiðlun. Ísland. Straumur ber sjálfur ábyrgð á vinnslu kortaupplýsinga samkvæmt skilmálum sínum.

Microsoft

Tölvupóstur fyrirtækisins (info@ser.is).

Dropp

Afhending sendinga. Ísland.

Pósturinn

Afhending sendinga. Ísland.

Payday

Bókhald og reikningagerð. Ísland.

Bretland nýtur ákvörðunar framkvæmdastjórnar ESB um fullnægjandi vernd. Flutningur til Bandaríkjanna, til Vercel og Resend, byggist á vottun þeirra samkvæmt gagnaverndarramma ESB og Bandaríkjanna (EU-U.S. Data Privacy Framework) og stöðluðum samningsskilmálum í vinnslusamningum þeirra.

Dropp og Pósturinn fá nafn, símanúmer, netfang og afhendingarstað til að geta afhent sendinguna.

Varðveisla

Bókhaldsgögn

Pantanir, reikningar og greiðslur eru varðveitt í sjö ár frá lokum reikningsárs samkvæmt lögum nr. 145/1994 um bókhald.

Innkaupakörfur

Eytt eftir að þær renna út.

Innskráning

Innskráningarhlekkir gilda í 15 mínútur (hlekkir á nýtt lykilorð og hlekkir sem við sendum í sólarhring) og lotur í 14 daga frá síðustu notkun. Útrunnum hlekkjum og lotum og skráðum innskráningartilraunum er eytt eftir 30 daga.

Tengiliðir og fyrirspurnir

Varðveitt meðan viðskiptasamband varir eða þörf er á þeim. Afgreiddum fyrirspurnum er eytt þremur árum eftir að þær bárust. Við eyðum upplýsingum eða leiðréttum þær ef þú óskar þess.

Umsóknir fyrirtækja

Umsókn sem er hafnað er eytt einu ári eftir að hún barst. Samþykkt umsókn er varðveitt meðan fyrirtækið er í viðskiptum.

Póstlisti

Meðan þú ert á listanum. Óstaðfestri skráningu er eytt eftir 30 daga. Eftir afskráningu geymum við netfangið og tímann sem sönnun þess að samþykki var afturkallað en sendum ekkert á það.

Réttindi þín

Þú átt rétt á að:

• fá aðgang að þeim persónuupplýsingum um þig sem við vinnum með og fá afrit af þeim;
• fá rangar upplýsingar leiðréttar;
• fá upplýsingum eytt nema okkur sé skylt að varðveita þær, til dæmis samkvæmt lögum um bókhald;
• andmæla vinnslu sem byggist á lögmætum hagsmunum og fá vinnslu takmarkaða;
• fá upplýsingar sem þú hefur látið okkur í té afhentar á tölvulesanlegu formi.

Sendu beiðni á info@ser.is. Við svörum innan mánaðar.

Kvörtun til Persónuverndar

Ef þú telur að vinnsla okkar brjóti gegn lögum getur þú kvartað til Persónuverndar, sem hefur eftirlit með framkvæmd laga nr. 90/2018. Upplýsingar eru á personuvernd.is. Við viljum þó gjarnan fá að reyna að leysa málið með þér fyrst.

Öryggi

Samskipti við vefinn eru dulkóðuð. Starfsfólk fær aðeins aðgang að þeim upplýsingum sem hlutverk þess krefst. Innskráning fer fram með hlekk í tölvupósti eða með lykilorði. Lykilorð eru aðeins geymd sem tætigildi og enginn hjá okkur getur séð þau.

Breytingar

Við uppfærum stefnuna þegar vinnslan breytist. Nýjasta útgáfan er alltaf á þessari síðu.